Oporrek indarberriturik, joran handiz ekin diogu lanari GoiEnerreko boluntariook. Ikasturte honek erronka zaharrak eta berriak dakartza eredu energetikoa aldatu nahi dugunontzat.
Gure Gipuzkoako lagunek, dagoeneko, berrabiatu dute Infogunea Amarako Emausen Ekoshopean. Bertan harrera egingo dizuete ostegunero 17:30etik 19:30era. Gainera, ikasturte honetako boluntarioen lehenengo bilera antolatzen hasi dira.
Nafarroan, berriz, bazkideen bilera egingo da urrian, eta ondo atontzeko prestaketetan hasi dira.
Arabako kideek Lakuan zabaldu berri den egoitza berria margotzen eta txukuntzen eman dute uda. Orain bertan egin beharrekoak adosten ari dira.
Azkenik Bizkaian, pasa den zapatuan egin zuten boluntarioen lehenengo bilera. Luze jo zuen lantaldeek hainbat informazio trukatu zutelako. Zerbait aurreratzearren jakin ezazue Bilbon ere GoiEnerrek egoitza zabalduko duela berandu baino lehen. Era berean, irail-urri hauetan hainbat lekutan ikusiko gaituzue, hala nola, Bermeon, Leioan, Sanfranen, Bioculturan, Reaseko Bilboko azokan….
Gure grina, apurtxo bat bada ere, kutsatuko dizuegulakoan.
