Datorren larunbata martxoak 10, goizeko 10etan Bilboko John Jauregian (La Bolsa eraikina) hasiera emango diogu «Txispaz Kontsumitu» jardunaldiari. Gogoratu nahi dizuegu «Txispaz Kontsumitu», Goiener Elkarteko Hezkuntza Taldeak antolaturiko gazteentzako bideo lehiaketa bat izan dela, energiaren kontsumoa arduraz murrizteko helburua duena.
Lehiaketaren erantzuna zabala izan da eta aurkeztutako lanak dagoeneko ikusgai daude gure Youtubeko kanalean.
Bideo lehiaketak berarekin larunbateko jardunaldia ere badakar, sari banaketaren inguruan antolatua. Bertan izango ditugu energia aurrezteko mahai-inguruak: etxean, ikasgelan eta gizartean.
Bideoak ikustera eta jardunaldi eta sari banaketara gonbidatuta zaudete guztiak.
