Otsailaren 9 eta 10ean Berdeago Nature azokan izan ginen, Durangon Landako Gunean. Urtero bezala, Goiener Taldeko stand-a jarri genuen gerturatu zitzaigun orori informazioa helarazteko. Goiener merkaturatzaileaz aparte, Sorkuntzako (Nafarkoop) proiektuak indartu nahi izan genituen. Honetarako igandean arratsaldeko 17:00 hitzaldia eman genuen «Herritarren partehartzea energia berriztagarrien sorkuntzan» lelopean.
Azokako antolakuntzak helarazi duen informazioari dagokionez 8.735 bisitari gerturatu ziren Landakora.
Goiener Taldearen eskutik, eskerrak eman nahi dizkiegu gerturatutako guztiei, baita, stand-ean parte hartu zuten bolondres eta langileei.
Bazenekien Goiener bolondres mugimendutik jaio zela 2012an? Gaur egun ere boluntarioek bere ekarpena egiten dute Goiener Taldean, oinarrizko lanetatik hasita zuzendaritza taldeko ardurak hartzeraino. Zuk ere lagundu nahi duzu? eman izena boluntario izateko. Horretaz gainera euren lana babestu dezakezu Goiener Elkartera bazkidetu eta urteko 12 euroko ekarpen bat eginda.
