Sorting by

×

Energiaren Astean, Ekonomia Eraldatuz eta AlternatiBatun parte hartu dugu ekaina mugitu honetan

Elkartean sasoi onean egon gara ekaineko hilabete honetan eta ekintza ezberdinetan parte hartu dugu Goienerren filosofia Euskal Herriko herri eta hiri ezberdinetara eramanez. Hortaz, ekainaren 19 eta 20an Errenterian izan gara Energiaren Astearen baitan burutu diren ekintzetan parte hartzeko.

Aste honen helburua gizartea sentsibilizatzea da besteak beste, herritarrek beren kabuz, egunerokotasunean, energia erabilera egokiaren alde jardun ahal izateko eta ingurumen kontzientzia handiagotzeko.

Errenteriarrek 2020. urterako 2007an baino %20,16 CO2 gas isurketa gutxiago egitea helburu dute, Errenteriako Energia Iraunkorrerako Ekintza Planaren baitan. Beraz, erronka horren aurrean pausuak emateko interesgarriak diren jarduerak antolatu dituzte.

Gure aldetik, ekainaren 19an, autokontsumoan aditua den Goienerreko Xabier Loyarte lankideak, hitzaldi bat eskaini du “Instalazio fotovoltaikoak. Ahalduntze energetikoa: bakanako edo partekatutako auto hornidura, parte hartzea oinarri” izenburupean.

Bestetik, ekainaren 20ean, Goienerren inguruko hitzaldia eskaini die Loyartek bertaratutako lagunei.

energiaren-astea

Ekainaren 21ean, Ekonomia Eraldatuz proiektuan parte hartu genuen. REAS Euskadiko proiektu honek, sareko kide diren ekonomia solidarioko zenbait errealitate herritarrei ezagutarazteko helburua du.

Ekonomia honen parte diren elkarteen lana ezagutzeko asmoz, eguna Berziklatu entitatea bisitatzen hasi da. Berziklatu ekimen aurrendari bat da Europa mailan, izan ere, sektore publikoa eta entitateak elkartzen ditu irabazi asmorik gabeko eta helburu sozialak dituen proiektu batean.  Helburua hondakin handien tratamendu integrala egitea da gizarte-bazterketako egoeran edo arriskuan dauden pertsonak gizarteratuz eta lan-munduan txertatuz.

Ondoren, Bilboko Labore saltokian (hiriko lehenengo supermerkatu kooperatiboa), bai Laborek zein Fiare Banca Eticak eta Goinerrek egiten duten lana erakutsi dute.

Ekonomia-Eraldatuz

Goiza amaitzeko, Laboreko produktuen dastaketa bat egin da.

produktuen-dastaketa-Labore

Hilabeteari amaiera emateko, Lasarte-Oriako AlternatiBatu egunean parte hartu dugu.

Herritarrek antolatutako jarduera honen helburuetako bat, gaur egungo kontsumo eredu eta merkatu kapitalista suntsitzailearen aurrean bestelako bizi eredu bat ehuntzen hasteko lehen pausoak ematen hastea da.

Honetarako, jada praktikan eta martxan diren proiektu alternatibo ezberdinak gonbidatu dituzte ekitaldira. Herritarrek proiektu desberdinak ezagutzeko aukera izan dute standetara hurbilduz eta hitzaldietan parte hartuz.

Goienerren kasuan, informazioz hornitutako mahaia jartzeaz gain, sistema elektrikoaren inguruko hitzaldia eskaini dugu, honen aurrean egin dezakegun kontsumo arduratsua azalduz.

Alternatibatu-mahaia

Bazenekien Goiener mugimendu bolondresetik jaio zela 2012an? Gaur egun ere talde bolondresak bere ekarpena egiten du Goiener Taldean, oinarrizko lanetatik hasita zuzendaritza taldeko ardurak hartzeraino. Zuk ere lagundu nahi duzu? eman izena boluntario izateko. Horretaz gainera euren lana babestu dezakezu Goiener Elkartera bazkidetu eta urteko 12 euroko dohaintza bat eginda.

Azken albisteak

Boluntario topaketa Fagollagan

Pasa den larunbatean, hilak 25, boluntarioen topaketa berri bat antolatu genuen, oraingoan Fagollaga…

Nola erraztu gure bazkideen parte-hartzea?

Iragan larunbatean, irailak 23, Goiener Elkarteko boluntarioen lantalde topaketa egin genuen Zornotz…

Udanbizi 2023 txirrindulari biraren arrastoa

Jarraian Goienerreko mastodon kontura bidalitako toot haria argitaratzen dugu «Udanbizi 2023» txirri…

Hurrengo ekitaldiak

Aurki ekitaldi gehiago