Sorting by

×

Bolondresentzako formakuntza ezberdinak aurrera atera ditugu azkeneko asteetan

Goienerrek energia berriztagarria sortu eta merkaturatzeaz aparte, badu beste helburu garrantzitsu bat, gaur egungo eredu energetikoa partaidetzatik eraldatzea. Horretan gogor dihardugu lanean.

Proiektua martxan jarri zenetik, 175 pertsonak hartzen dute parte Goienerren bolondres gisa ekintza ezberdinak aurrera ateratzen. Honetarako ezinbestekoa da baliabide ezberdinak bideratzea, adibide gisa, parte hartzeko interesa duten bolondresentzat ekain honetan zehar burutu diren hainbat formakuntza. Adibidez, merkatu elektrikoaren funtzionamendua, ekonomia feminista, Goienerrek eskaintzen dituen zerbitzuak…

Gauzak horrela, uztaileko lehenengo aste honetan, ULMA Kooperatiban (Oñatin) izan gara bertako langileei GOIENER zer den azaltzen eta argindarraren fakturaren inguruko formakuntza bat ematen. Gerturatu diren lagunek beraien kontsumo fakturak ekarri dituzte eta hauek ikertzen oso ekarpen interesgarriak jaso ditugu.

Goienerrentzat oso garrantzitsua da pertsonek kontratu garden eta justuak izatea. Horregatik, ULMAko lagunei fakturak dituen kontzeptu ezberdinak azaldu dizkiegu eta honen gainean kontuan izan behar dituzten elementuak argitu dizkiegu.

Autokontsumoa ere interesa piztu duen gaietako bat izan denez, Nafarkoopek Oñatiko Ur Jauzietan duen %10 partaidetzatik abiatuta, Sorkuntza ekimenaren filosofia, eredua eta proiektuak azaldu ditugu.

formakuntzak-bolondresak-Elkartea

Datozen hilabeteetan gure formakuntza eskaintzarekin jarraituko dugu, batez ere, autokontsumo eta Sorkuntza proiektuak azaltzen.

Oso pozik gaude izan dugun erantzunagatik eta bihotzez eskertu nahi dizuegu proiektuan sinistu eta parte hartzen duzuen guztioi.

“Bolondres eta kooperatibista gisa sartu berri naizenez ez dut informazio gehiegirik. Baina itxura oso ona hartu diot. Bai enpresa aldetik, zein alde humanotik. Pribiliegio eta plazerra dira niretzako horrelako proiektuan parte hartu ahal izatea. Ingurugiroa zainduz berriztagarriekin eta ez da proiektu ekonomiko hutsa, baizik eta giza erlazio berrien sorreran txertatzen dena gainera, hazkuntza pertsonalekoa, berdintasunean elkar lanean aritzekoa, errespetuzkoa… Ekonomia solidario eta feministaren inguruko Zumaiako lan saioa suspergarria izan zen. Goiener taldeko bolondres zein langile guztien konpromezua ikusteak, berdintasun erlazioen sorreran, ilusioa eta itxaropena pizten du.”

Bolondres batengatik jasotako iruzkina

Bazenekien Goiener mugimendu bolondresetik jaio zela 2012an? Gaur egun ere talde bolondresak bere ekarpena egiten du Goiener Taldean, oinarrizko lanetatik hasita zuzendaritza taldeko ardurak hartzeraino. Zuk ere lagundu nahi duzu? eman izena boluntario izateko. Horretaz gainera euren lana babestu dezakezu Goiener Elkartera bazkidetu eta urteko 12 euroko dohaintza bat eginda.

Azken albisteak

Nola erraztu gure bazkideen parte-hartzea?

Iragan larunbatean, irailak 23, Goiener Elkarteko boluntarioen lantalde topaketa egin genuen Zornotz…

Udanbizi 2023 txirrindulari biraren arrastoa

Jarraian Goienerreko mastodon kontura bidalitako toot haria argitaratzen dugu «Udanbizi 2023» txirri…

Zer energia nahi dugu Goienerren?

Pasa den larunbatean, urtarrilak 28, Goiener Elkarteko boluntarioen lantalde topaketa egin genuen Ga…

Hurrengo ekitaldiak

  • martxoak 26Hitzaldia. Larrabetzu
    Gaia: Autokontsumoa eta argindarraren faktura. Lekua: Anguleri.
  • apirilak 20Nafarkoop Batzar Orokorra 2024
    Gorde eguna. Deialdi ofiziala egin gabe dago. Ekitaldiaren xehetasunak orri honetan eguneratuko ditugu.
  • ekainak 08Goiener Batzar Orokorra 2024
    Goiener S.Coop. Batzar Orokorra. Gorde eguna. Deialdi ofiziala egin gabe dago. Ekitaldiaren xehetasunak orri honetan eguneratuko ditugu.