Goienerreko Debagoienako talde bolondresak, Antzuolako Jubilatu eta Pentsionisten Elkartean, Faktura Elektrikoa ulertzeko tailerra eskaini die bertako kideei.
«Azken urteetan energia merkaturatzaileek egin dituzten kanpaina eskasen ondorio kaltegarriak jasaten ari gara gutako asko, behar ez ditugun zerbitzu eta produktuak kontratatuta izanik». Honetaz aparte, gizartean pobrezia energetikoa ohiko bihurtu denez, egoeraren aurka borroka egin nahi du Debagoienako taldeak.
Hitzaldiaren ostean, bakoitzak bere faktura ulertu eta errespetuzko erlazioa erakutsiko duen kontratuak nolakoa izan beharko lukeen argitzeko espazioa izan dute gerturaturiko kideek. Pertsona bakoitzari aholkularitza pertsonalizatua eman zaio, kontratatutako potentzia egiaztatuz, kontsumo ereduak azalduz, etab.
Hitzaldira bazkideak diren hainbat pertsona hurbildu dira eta oso hitzaldi interesgarria izan dela baloratu dute. Beste hainbatek, bazkide izateko pausoa emango dutela ere iragarri dute.
Bazenekien Goiener bolondres mugimendutik jaio zela 2012an? Gaur egun ere boluntarioek bere ekarpena egiten dute Goiener Taldean, oinarrizko lanetatik hasita zuzendaritza taldeko ardurak hartzeraino. Zuk ere lagundu nahi duzu? eman izena boluntario izateko. Horretaz gainera euren lana babestu dezakezu Goiener Elkartera bazkidetu eta urteko 12 euroko ekarpen bat eginda.
