Bilboko Labore Kooperatibak eta Goiener Elkarteak sinatu duten lankidetza hitzarmenaren bitartez elkarrenganako konpromezua berretsi dute, elkarrekin lan egiteko intentzioa azpimarratuz.
Bai Labore, bai Goiener, irabazi asmorik gabeko entitateak dira; kontsumo ohituretan aldaketak bultzatzeko asmoa, elkartasuna, komunean lana, balioen arteko erlazio horizontala, komunitatearen logikatik kolaborazioa, parte-hartze soziala eta berrikuntza zibila bilatzen dutenak.
Hortaz, biek dute transformazio sozialerako bokazioa eta beste erkidego-izaera duten entitate batzuekin batera lan egiteko asmoa, batez ere Kooperatibekin. Horregatik, aipaturiko transformazioa lortzeko helburu bezala elkartasuna duen elkar-lankidetza hartzen dute funtsezkotzat hiritarren ongizatea eta ondasun erkiderako ekarpena egitearekin batera.
Gauzak horrela, bi entitateak lankidetzan aritzeko, elkarrekin aurrera emateko jarduera ezberdinak zehaztu dituzte, batez ere komunikazioarekin eta ordezkaritzarekin lotutakoak.
Bazenekien Goiener mugimendu bolondresetik jaio zela 2012an? Gaur egun ere talde bolondresak bere ekarpena egiten du Goiener Taldean, oinarrizko lanetatik hasita zuzendaritza taldeko ardurak hartzeraino. Zuk ere lagundu nahi duzu? eman izena boluntario izateko. Horretaz gainera euren lana babestu dezakezu Goiener Elkartera bazkidetu eta urteko 12 euroko dohaintza bat eginda.
