Sorting by

×

Parte hartu boluntario moduan

Goiener Taldean boluntario lanak egiteko espazioak eskaintzen ditugu Goiener Elkartearen bidez. Bazkide engaiatuak behar ditugu entitatearen izaera bermatzeko, parte-hartzean oinarritutako kooperatiba izatea baita gure helburua.

Egungo eredu energetikoa aldatzeko sortu zen Goiener Taldea eta helburu horrekin aurrera ateratzen ditugun proiektuak boluntarioen parte-hartzeak aberasten ditu. Horregatik garrantzia ematen diogu:

  • Boluntarioen formakuntza eta trebakuntzari.
  • Boluntarioek entitateko erabakietan parte hartzeari.
  • Boluntarioen ongizateari.
  • Boluntarioek entitatearen balioak ezagutzeari eta taldeko kide sentimendua garatzeari.
  • Boluntarioen kudeaketa eta zaintza bermatzeari.

Egungo eredu energetikoa eraldatzeko nahia baduzu, hau da zure tokia! Hauek dira parte hartu dezakezun boluntario taldeak:

TALDE LOKALAK

Goiener Taldeko boluntario zein langile guztientzat talde lokalak eskualdeko erreferentziazko guneak dira. Entitatearen lanaren funtsezko zati bat dira, tokian-tokiko estrategia eta beharrei erantzuteko antolatuak baitaude.

Goienerren parte hartzera animatzen den pertsona, dagokion eskualdeko taldean txertatuko da eta hau beste boluntario taldeekin saretzeko eremua izango da.

Hauek dira gure talde lokalak: ARABA, BIZKAIA, NAFARROA, ERRIBERA, GOIERRI/TOLOSALDEA, DEBAGOIENA eta KOSTA (Donostialdea eta Gipuzkoa Kosta).

FUNTZIOAK:

  • Goiener sareko boluntarioen elkargunea, zaintza gune bat izatea.
  • Larrialdi klimatikoa, energia iraultza eta kontsumo arduratsua gizarteratzeko, sentsibilizatzeko, ahaldundutzeko eta kohesionatzeko espazio bat izatea.
  • Ekitaldi publikoetan parte hartzea: azoka, tailer edo jardunaldiak antolatu, Goienerren proposamena gizarteari helarazteko.
  • Goienerrek eskaintzen dituen formakuntzak jasotzea.
  • Intzidentzia politikoa, kontsumo arduratsua sustatzeko.
  • Tokiko eragileen sartzea.
  • Etb.

LAN DINAMIKAK ETA BALIABIDEAK:

  • Eskualdeko behar eta asmoei heltzeko talde lokal bakoitzak autonomiaz lan egiten du. 
  • Urtean 2-3 aldiz, boluntario sare guztiari bideratuta, Lantalde Topaketak antolatzen dira. Elkar ezagutu eta informazioa partekatzeaz gain, Goienerreko gai estrategikoak lantzeko elkarguneak dira.
ENERGIA KOMUNITATEAK (EBK)

Energia komunitate bat, pertsona talde batek osatzen duen entitate juridiko bat da, tokian-tokiko behar zein baliabideetan oinarrituz energia burujabetzarantz bidea eraikitzea helburu duena.

Pertsonen ahalduntzea eta eredu demokratikoa oinarri duten komunitateak sustatzen ditu Goienerrek. 2023 urte amaierarako 22 ziren bere eratze prozesutan eta hedapenean lagundu genituen komunitateak eta ordutik aurrera gehiago etorri dira. Pertsona inplikatuen bila gabiltza udalerri gehiagotara heldu ahal izateko.

FUNTZIOAK:

  • Udalerrietan entitate eta pertsonak identifikatzea ondoren EBK prozesuak aurkeztu eta bideratzeko.
  • Sentsibilizazio kanpainako hitzaldietan laguntza ematea.
  • EBK eratze prozesuetan komunitatea eta Goienerren arteko zubi lana egitea, herritarrak zaindu eta dinamizazioan lagunduz.

LAN DINAMIKAK ETA BALIABIDEAK:

  • Taldera batzen diren pertsonek jasoko dituzten harrera eta formakuntzak.
  • Hilero jarraipen batzarrak.
  • Bestelako lanerako espazioak.
POBREZIA ENERGETIKOA

Energia eskuragarri izatea oinarriko eskubide bat bada ere, ezinbestekoak diren zerbitzu energetikoen falta pairatzen dute pertsona zein familia askok. Goiener Soziala programaren bidez, egoera horri aurre egiteko aholkularitza eta ahalduntze programa lantzen ditugu lurraldeko eragile eta espazioekin elkarlanean.

Goiener Sozialak eskaintzen dituen onurak gizartean hedatzeko pertsona inplikatuak bilatzen ditugu. Eskaintzen dugun formazio eta trebakuntza jaso ondoren, parte hartzen duten pertsonek ingurukoen baldintzak hobetzen lagundu dezakete.

FUNTZIOAK:

  • Goiener Soziala programaren hedapena.
  • Aholkularitza energetikoa eman: dirua aurrezteko fakturen egokitzapena eta energia aurrezteko etxeen efizientzia landu.
  • Goienerrek pobrezia energetikoa lantzen duen programetan, erabiltzaileen egokitzapenak jorratu eta etxeetako bisitak egin.

LAN DINAMIKAK ETA BALIABIDEAK:

  • Taldera batzen diren pertsonek jasoko dituzten harrera eta formakuntzak:
    • Argindar fakturaren irakurketa eta optimizazioa.
    • Pobrezia energetikoa.
    • Efizientzia energetikoa.
  • Hilero jarraipen batzarrak.
  • Bestelako lanerako espazioak.
EKOFEMINISMOA

Talde honek feminismoa eta ekologia ditu lanerako ardatz. Gai hauen inguruan Goiener sentsibilizatu eta estrategiak gizarteratzea du helburu.

Gizarte eta praktika patriarkalaren eraldaketa zein naturaren defentsan parte hartzeko interesa duten pertsonek osatzen dute taldea.

FUNTZIOAK:

  • Goiener Taldeko berdintasun plana hausnartzea eta honen jarraipena gidatzea.
  • Hizkuntza inklusiboa lantzea.
  • Ekofeminismoaren hausnarketa eta proposamenen garatzea.
  • Greba edo eta mobilizazio feministak bideratzea.

LAN DINAMIKAK ETA BALIABIDEAK:

  • Taldera batzen diren pertsonek jasoko dituzten harrera eta formakuntzak.
  • Hilero jarraipen batzarrak.
  • Bestelako lanerako espazioak.
FAGOLLAGA

Fagollaga, Urumea arroan kokatuta dagoen zentral hidroelektrikoa da, urtean 450.000 kWh sortzen dituena. 2018an Goiener Taldeak erosi zuen bazkideen artean dirua bilduz.

Zentralak eta inguruan dituen eraikin zein naturak balio handia dute. Hauek mantendu, zaindu eta etorkizunean sortu daitezken aukerak lantzeko, kontuan ditugu boluntarioen parte-hartzea eta iritzia.

FUNTZIOAK:

  • Zentraleko hobekuntza eta mantentze lanak.
  • Hitzaldiak ematea eta zentrala erakustea bisita gidatuen bidez.
  • Zentralaren eta bere ingurunearen etorkizuneko estrategia garatzea.

LAN DINAMIKAK ETA BALIABIDEAK:

  • Taldera batzen diren pertsonek jasoko dituzten harrera eta formakuntzak.
  • Hilero jarraipen batzarrak.
  • Bestelako lanerako espazioak.

Bat egin ezazu Goienerreko Boluntario taldearekin

Anima zaitez boluntario taldearekin bat egitera eta bidali iezazkiguzu zure datuak ondoko galdetegi bidez. Eskualdeko pertsona bat harremanetan jarriko da zurekin, eta lan-metodologia zuzenean azaldu eta zein boluntario-taldetan apuntatu erabakitzen lagunduko dizu.

Argibide gehiago: Boluntarioen Barne Estatutua – Goiener Elkartea [PDF] (gazteleraz, itzultze prozesuan).

Izena emateko galdetegia

    * Derrigorrezko eremuak

    Izena *

    Abizenak *

    e-mail *

    Telefonoa *

    Herria *

    Lurraldea *

    Harremanetarako hizkuntza *

    EuskaraCastellano

    Oharrak

    Sartu kode hau *captcha

    Datuen babeserako oinarrizko iformazioa

    Erantzulea

    Asociación para la promoción de un nuevo modelo energético (apoyo a Goiener), aurrerantzean «Goiener Elkartea» (IFZ: G75133488)

    Helburuak

    • Egungo energia-eredua aldatzeko ekintzak gauzatzea. Energia aurrezteko eta eraginkortasunez erabiltzeko sentsibilizazio- eta prestakuntza-lanak egitea.

    • Merkatuko agente gisa erator daitezkeen jarduerak gauzatzea.

    • Gure webgune, aplikazio eta sare sozialen kudeaketa eta erabilpenaren analisiak egitea.

    Legitimizazioa

    • Gure zerbitzuak emateko datuen tratamenduaren beharra («kontratu-harremana» RGPD 6.1.b art.).

    • Interesdunak emandako baimen zehatza (RGPD 6.1.a art.).

    • Goiener Elkartearen legezko interesa (RGPD 6.1.f art.).

    Hartzaileak

    Ez da aurreikusten hirugarrenei datuak komunikatzea, legezko betebeharrak edo kasu espezifikoak izan ezik (adibidez, Goiener Taldeko kide diren beste enpreseei edo zerbitzuaren faseren batean esku har dezaketen zuzeneko kolaboratzaileei).

    Eskubideak

    Datuen babeserako zure eskubideak erabiltzeko helbide honetara jo dezakezu: Mallutz 18, 20240 Ordizia (Gipuzkoa) – 943 088 444 telefono zenbakia, edo datuenordezkaria@goiener.com posta-elektronikoaren bitartez. posta-elektronikoaren bitartez. Zure datu pertsonalen tratamenduari buruz informazio zehatzagoa ezagutu nahi baduzu, gure «Pribatutasun Politika» irakurri dezakezu.