Webgunea: www.chester-project.eu/
Twitter: @chester_project
Linkedin: CHESTER project
Iraupena: 2018/04/1-2023/03/31
Dirulaguntza-hitzarmenaren zenbaki identifikatzailea: 764042
Proiektuaren arduraduna Goienerren: Santi Ochoa de Eribe
Deskribapena eta helburuak
CHESTER proiektuaren helburu nagusia hainbat energia-iturri berriztagarriren bidez sortutako energia kudeatu, biltegiratu eta hornitzea ahalbidetuko duen sistema berritzaile bat garatu eta balioestea da, hartara sektore elektrikoa eta termikoa uztartuz. Hiru osagai berritzailez osaturiko sistema bat da, elektrizitatea bero bihurtu, biltegiratu, eta gerora berriro ere elektrizitate bihurtzen duena. CHEST izeneko sistema hori bero-sare adimentsu batekin (Smart District Heating ingelesez, Eskualde-Berokuntza Adimentsua euskaraz) konektatuko da; ondorioz, energia berriztagarria kudeatzeko sistema oso malgu eta adimentsua sortzen da, energia elektrikoa % 100eko edo gehiagoko joan-etorriko eraginkortasuna duena. Gainera, ez dago orografiaren mende (ponpatze bidezko energia hidroelektrikoa ez bezala), ziklikoki egonkorra da (bateriak ez bezala), eta gauza da energia bero bihurtzeko, bai eta tenperatura baxuko bero berriztagarria energia bihurtzeko ere. Beroa zein eskariaren araberako energia modu independentean biltegiratu eta hornitzeko aukera ematen du.
CHEST aurretiaz ere bazen teknologia batean oinarritzen den arren (bero-ponpa, biltegiratze termikoa eta ORC, Rankineren Ziklo Organikoa euskaraz), baina oraindik ere aurrerapen berritzaileen beharrean da eraginkortasun eta errentagarritasun handiko CHEST sistema bermatzeko. Sistema adimentsua kontrolatzeko estrategia bat garatuko da, aurreikuspen-ereduen inplementazioa barne hartuko duena, sistemak energia modurik errentagarri, teknikoki egoki eta malguenean erabili ahal dezan. CHEST sistemak aintzat hartuko ditu elkarreraginak sare elektrikoarekin (eskaerari zen eskaintzari dagokionez), eskualdeko berokuntza sarearekin, eta beste bero-iturri batzuen integrazioa. 10 kWel-eko CHEST laborategi-sistema osoa eraiki eta baliozkotuko da ingurune adierazgarri batean. TRL (heldutasun teknologikoaren maila, ingelesez) sistemikoa 3. mailatik 5.era igoko da. Proiektuak bere gain hartuko ditu ustiapen- eta dibulgazio kontu garrantzitsu guztiak.
CHEST sistema, zein energia kudeatzeko eta biltegiratzeko etorkizun handiko sistema baita, funtsezkoa izango da energia-helburuak lortzeko eta etorkizuneko energia-sistemaren erronkei aurre egiteko. Biltegiratze-elementu handi gisa jardunarazi nahi dira eskala handiko plantak, dela bero-elektrizitate sare handietan sasoiko bateria gisa jarduteko, dela banatzaile handi edo garraio elektrikoko sistemen babes-sistema gisa.
Informazio gehiago
Proiektu honi buruz gehiago jakin edo informazioa jaso nahi baduzu, bisita ezazu proiektuaren web-orria, jarraitu Twitter edo LinkedInen, edo eman zure izena proiektuaren buletinean. Horrela, proiektu honi buruzko informazio interesgarri gehiago iritsiko zaizu (ingelesez). Edonola ere, gure ohiko buletinean proiektuaren aurrerapenei eta emaitzei buruzko informazioa ematen jarraituko dugu.
Proiektu honek Europar Batasunaren Horizonte 2020 ikerketa eta berrikuntzako programaren finantzaketa jaso du, 764042 zk.ko finantzaketa-akordioaren pean.
