Sorting by

×

FAQ, maiz egindako galderak (Udanbizi)

Orri honetan bildu ditugu Udanbizi txirrindulari biraren inguruko zalantzak argitzeko hainbat galdera. Dena den gehiago baldin badituzuze, idatzi udanbizi@goienerelkartea.org helbidera eta saiatuko gara erantzuten edo konponbideren bat bilatzen.

Horretaz gainera errepidean gauden egunetarako, informazioa jaso ahal izateko, gomendatzen dizuegu Udanbizi Errepidean Telegram kanalera harpidetzea.

— Zenbat balio du Udanbizin parte-hartzeak eta nola ordainduko dut?

85 euro izango dira txirrindulari biragatik eta Goiener Elkarteko boluntarioa ez bazara 12 euro segururako. Ordainketa egiteko kontu zenbaki bat erraztu beharko diguzu izena emateko galdetegiaren bitartez eta ondoren zuretzako lekua dugula baieztatuko dizugu. Ondoren banku-igorpena egiteaz gu arduratuko gara. Edozein zalantza izanez gero jarri harremanetan: udanbizi@goienerelkartea.org

— Zein izango dira ibilbide zehatza eta bisitatuko ditugun puntuak?

Ikusi etapen xehetasunak dituen orria.

— Zein errepide motatan ibiliko gara?

Bost etapetan asfaltatutako, hartxintxarrezko eta lurrezko pistetan ibiliko gara (beti ere ahalik eta trafiko gehien ekiditeko). “Gravel” tankerako gurpilak edukitzea beharrezkoa izango da.

— Etapak gogorrak dira? malda handiak dituzte?

Ikusi etapen xehetasunak dituen orria.

— Txirrindu elektrikoarekin egin dezaket itzulia?

Bai. Etapa amaiera guztietan biharamunerako bateriak kargatzeko argindar puntuak izango ditugu. Dena den komenigarria litzateke parte-hartzea baieztatzeko galdetegian txirrindu elektrikoa ekarriko duzula jakinaraztea, zenbat karga-puntu behar ditugun jakiteko.

— Errepidean aurrera ezin jarraiturik geratzen banaiz?

Harremanetarako telefono bat izango dugu eta laguntza-ibilgailuak jasoko zaitu edo antolaketa lanetan dabiltzanek lagunduko dizute.

— Igandea 14an goizeko 9:30ak oso goiz da neretzako Bilboko irteera puntuan egoteko. Elkartu naiteke beranduago txirrindu martxarekin?

Bai, orri honetan dituzu egingo ditugun etapa guztien gutxi gorabeherako ordutegiak. Aurrez jakinarazten badiguzu beranduago iritsiko zarela guretzako ere hobe.

— Zein otordu sartzen dira prezioaren barruan?

Egunero errepidean egingo dugun hamaiketako edo bazkaria eta etapa amaiera bakoitzeko afaria bost egunetan. Gosaria txirrindularien kontura izango da.

— Otorduetarako menu berezi edo intolerantziaren bat badut?

Jakinarazi iezaguzu emailez edo izena emateko galdetegian.

— Lo egiteko zer eraman behar dut?

Zakua eta estera nahikoak dira, etapa amaiera bakoitzean aterpedun lo tokiak izango ditugu frontoi, kiroldegi edo ikastetxeetan. Etapa amaiera batetik bestera laguntza-ibilgailuan eramango ditugu txirrindulari guztien fardelak. Dutxatzeko aukera ere izango da iritsiera lekuetan.

— Prestatuak dituzuen lo egiteko lekuetatik kanpo hartu daiteke lo egiteko beste lekuren bat, ostaturen bat edo?

Bai, noski. Agi denez, lo egiteko leku horien erreserba norberaren kontura izango da. Udanbiziko antolakuntza ez da horretaz arduratuko.

— Ostegunean etapa Zumaian amaitzen da. Noiz eta nola itzuli naiteke handik?

Osteguneko afariaren ondoren Zumaian lo egiteko aukera egongo da eta biharamuneko autobusak hartu ahalko dira horrela.
Zumaian nork jaso ez baduzu trenez zein autobusez hurbildu zaitezke Donostia edo Bilbora. Iaz bezala, txirrinduz itzultzeko ere atera daiteke biharamunean taldetxoren bat, baina hori ez da Udanbizi antolakuntzaren esku geratuko.