Sorting by

×

Zer energia nahi dugu Goienerren?

Pasa den larunbatean, urtarrilak 28, Goiener Elkarteko boluntarioen lantalde topaketa egin genuen Gasteizko BioAlai kontsumo ekologikorako elkartean. Zorionez, elurrak ez zigun eragotzi hausnarketa sakona egitea kooperatibak etorkizunean egin beharreko bide eta sorkuntza proiektuen inguruan.  

Sortu zuen ikusminaren erakusgarri da Gasteizen elkartu ginen langile eta boluntarioen kopurua; eta azpimarratzekoa da, halaber, topaketaren maila ere, bertartu zirenek modu aktiboan parte hartu baitzuten, ekarpen aberatsak eginez landutako gaiaren inguruan. Horri esker aztertu genituen, alde batetik, energia berriztagarrien alorrean dauden sorkuntza aukerak eta bestetik, kontuan hartu beharreko irizpide eta zoru etikoa ere

Ikuspuntu ezberdinen aurrean iritziak trukatzeko tarteak errespetatuta, bereziki emankorra izan zen teknologia bakoitzaren inguruan irizpideak finkatzeko ahalegina. Burujabetza energetikoa ahalik eta arinen lortu behar dugula jakitun izan arren, ondorio nagusia izan zen, helburura iristeko ez dutela bide guztiek balio. Goienerreko langile eta boluntarioek konpromiso sendoa erakutsi zuten berriztagarrien alde, eta aho-batez erabaki, ez dutela babestuko gutxieneko irizpide etiko eta ekologikorik betetzen ez duen sorkuntza teknologiarik.  

Topaketa emankorraren ostean, bazkari eder batekin eta mahaiaren bueltan berreskuratu genituen goizean xahututako energia guztiak, lagunarte ederrean. 

Bazenekien Goiener mugimendu bolondresetik jaio zela 2012an? Gaur egun ere talde bolondresak bere ekarpena egiten du Goiener Taldean, oinarrizko lanetatik hasita zuzendaritza taldeko ardurak hartzeraino. Zuk ere lagundu nahi duzu? eman izena boluntario izateko. Horretaz gainera euren lana babestu dezakezu Goiener Elkartera bazkidetu eta urteko 12 euroko dohaintza bat eginda.

Azken albisteak

Boluntario topaketa Fagollagan

Pasa den larunbatean, hilak 25, boluntarioen topaketa berri bat antolatu genuen, oraingoan Fagollaga…

Nola erraztu gure bazkideen parte-hartzea?

Iragan larunbatean, irailak 23, Goiener Elkarteko boluntarioen lantalde topaketa egin genuen Zornotz…

Udanbizi 2023 txirrindulari biraren arrastoa

Jarraian Goienerreko mastodon kontura bidalitako toot haria argitaratzen dugu «Udanbizi 2023» txirri…

Hurrengo ekitaldiak

Aurki ekitaldi gehiago